Mafundisho Makuu ya Biblia

Mafundisho ya Biblia ni seti ya mada za msingi katika Biblia, zinazotusaidia kuelewa kile Biblia inachofundisha katika ujumla wake. Mada hizi za Biblia husaidia kueleza ukweli wa msingi kuhusu Mungu, mwanadamu, na wokovu kwa namna iliyopangiliwa vizuri. Mafundisho haya yanachukuliwa kuwa ya muhimu sana katika Imani ya Kikristo kwa kuwa yanatoa mfumo wa kuielewa tabia ya Mungu, uhusiano wetu na Yeye, na kuonesha njia ya uzima wa milele. Mafundisho yote ya Biblia yanaweza kuainishwa katika mada au mafundisho au imani 28 za msingi, ambazo zimegawanyika katika mafundisho makuu sita ya Biblia ambayo ni: Mungu, Mwanadamu, Wokovu, Kanisa, Maisha ya Kikristo, na Matukio ya Siku za Mwisho

Fundisho Kuhusu Mungu

Mafundisho haya yanafundisha kuhusu namna Mungu anavyowasiliana na mwanadamu na kumuonesha asili Yake, sifa Zake, na matendo yake makuu kama Muumbaji na Mkombozi. Fundisho hili hueleza namna Mungu anavyotaka tufahamu jinsi alivyo mkuu na kuitambua mamlaka Yake kama mamlaka ya juu kabisa. Imani za Msingi katika mafundisho haya ni:

Maandiko Mtakatifu

Utatu Mtakatifu

Mungu Baba

Mungu Mwana

Mungu Roho Mtakatifu

Fundisho Kuhusu Mwanadamu

Fundisho hili hufafanua chimbuko la mwanadamu, likieleza kuanza kwa dhambi duniani na madhara yake. Linaonesha kusudi la ubinadamu na hitaji la ukombozi. Linafafanua namna Biblia inavyoeleza juu ya utambulisho wa binadamu na kuweka msingi wa wajibu wa kimaadili. Imani za Msingi ndani ya Fundisho hili ni pamoja na:

Uumbaji

Asili ya Mwanadamu

Fundisho Kuhusu Wokovu

Fundisho hili hueleza mchakato wa ukombozi ulivyo likifafanua umuhimu wa kifo na ufufuo wa Yesu Kristo. Hapa ndipo tunapojifunza sehemu ya neema na imani katika kuutafuta uzima wa milele. Fundisho hili hufafanua jinsi Mungu anavyowapatanisha wanadamu na Yeye Mwenyewe. Imani za msingi katika fundisho hili ni:

Pambano Kuu

Maisha, Kifo na Ufufuo wa Kristo

Uzoefu wa Wokovu

Kukua Katika Kristo

Fundisho Kuhusu Kanisa

Fundisho hili linafafanua na kueleza namna ya kulitambua Kanisa la Mungu, na utume wa Kanisa. Hapa tunajifunza namna Biblia inavyofafanua suala la la ibada, na kuelekeza namna Mungu anavyoliagiza Kanisa lake kuisambaza Injili. Fundisho hili linawasaidia waumini kuelewa wajibu wao katika mpango wa Mungu wa Wokovu. Imani za msingi katika mafundisho haya ni:

Kanisa

Masalio na Utume Wake

Umoja katika Mwili wa Kristo

Ubatizo

Meza ya Bwana

Karama za Kiroho na Huduma

Karama ya Unabii

Fundisho Kuhusu Maisha ya Kikristo

Fundisho hili huwawaongoza watu kuishi huki wakiwa na utii kwa Mungu. Husisitiza utakatifu, upendo, na tabia bora inayompendeza Mungu. Ni fundisho linaloonyesha jinsi ya kutumia kanuni za kibiblia katika maisha ya kila siku. Imani za msingi katika mafundisho haya ni:

Sheria ya Mungu

Sabato

Uwakili

Mwenendo wa Kikristo

Ndoa na Familia

Fundisho Kuhusu Mambo ya Mwisho

Fundisho hili linahusu mambo ya nyakati za mwisho, kurudi kwa Kristo, na hukumu ya mwisho. Fundisho hili huwahimiza na kueleza namna watu wanavyoweza kubaki wakiwa waaminifu huku wakitarajia uzima wa milele. Imani za msingi zinazozungumzia mambo ya mwisho ni:

Huduma ya Kristo katika Patakatifu pa Mbinguni

Kuja kwa Yesu Mara ya Pili

Mauti (Kifo) na Ufufuo

Milenia na Mwisho wa Dhambi

Dunia Mpya